U Fuwile hi Vusiwana

Ndzimana: Hikuva mi tiva tintswalo ta Hosi ya hina Yesu Kriste, hikuva loko a ri karhi a fuwile, u tiendlele xisiwana hikwalaho ka n’wina, leswaku mi kuma ku fuwa evusiwanani bya yena. (2 Vakorinto 8:9)

Xikongomelo: Yesu a ri karhi a fuwile, a tiendlele xisiwana leswaku vadyohi va nga kuma rifuwo.

  • Eka 1 Vakorinto 16:1-4, Paulo u sungurile ku dyondzisa tindlela ku nyika. Eka 2 Vakorinto 8, Paulo u byerile Vamakedoniya tindlela ta 7 ku hanana mali.
  • Loko hi fika v. 9, Paulo a yimanyana. A teka nkarhi ku dyondzisa hi ta rifuwo ra ximoya ra Kriste na swona tinyiko ta ximoya leti nyikiwaka eka hina.
  • Ndzimana 9 yi fana na bokisi ra nsuku exikarhi ka kraal. Tihomu tin a nkoka, kambe nsuku yi na nkoka ngopfu. Tindzimana ta ku hanana ti na nkoka, kambe Kriste u na nkoka ngopfu.
  • Eka v. 8, hi dyondza swilo swimbirhi swa ku nyiko wa mampela: (1) U nga foseteli vanhu ku nyika. (2) I xikambelo xa rirhandzu ra mampela
  • Yesu u nyikile hi ndlela leyi (v. 9). U nyikile hi ku rhandza. Xikombiso lexikulu xa rirhandzu i ndlela Yesu u tinyiketaka ku ponisa vadyohi.

Yesu u fuwile

  • Ndzimana leyi yi vulavula hi ta rifuwo ra ximoya ra Yesu.
  • Yesu u fuwile njhani? ( Yohane 1:1-4)
    • Yesu i la nga heriki (a nga tumbuluxiwanga).
      • “Eku sunguleni Rito a ri ri kona” (v. 1)
      • Yesu u ri kona yi nga si Genesis 1:1 yi tsariwile. A kun a munhu la tumbuluxangi Yesu.
      • Yohane 8:58 – “Loko Abrahama a nga si va kona, mina a ndzi ri kona.”
    • Yesu i Xikwembu
      • “Rito a xi ri Xikwembu” (v. 1)
      • Yohane 14:9 – “La ndzi voneke, u vonile Tatana.”
      • Yohane 10:30 – “Mina na Tatana hi endla un’we.”
      • Va-Kolosa 2:9– “Ku tala ka vukwembu hikwabyo ku akile eka yena hi miri.”
      • Mavito hinkwawo wa Xikwembu wu nyikwa eka yesu. Xikombiso: “Xikwembu xa matimbia” (Dt. 7:21; Esaya 9:6).
    • Yesu u na matimba hinkwayo
      • “Hinkwaswo swi endliwile hi rona, kutani exikarhi ka swilo leswi endliweke, a ku na xilo lexi endliweke handle ka rona.” (v. 3)
      • Yesu u endlile hinkwaswo, fuma hinkwaswo, lawula hinkwaswo, vona hinkwaswo, tiva hinkwaswo, tiva hinkwaswo. U fuwile!
    • Ku Vekela Ntiyiso Evutomini
      • Rifuwo ra Yesu ri hi khorwisa ku hlamala ni ku dzunisa Yesu.
      • Varoma 11:33 – “Oho! A hi ku enta ka rifuwo, ni ka vutlhari, ni ka vutivi bya Xikwembu! Ku avanyisa ka xona a ku twisisiwi, ni tindlela ta xona a ti tiviwi!

Yesu u tindlele xisiwana

  • Loko vafuwi va nyiketa, a va tiendli xisiwana. Va nyika xiphemu xa rifuwo. Kahle-kahle, Yesu, loko a nyikile, a tiendle xisiwana.
  • Rifuwo ra yena eka nhloko mhaka yo sungula a ri ri ra ximoya; na swona, kwala, vusiwana i vusiwana bya ximoya.
  • Yesu a nga fuwangi emisaveni. Xana, u le vusiwaneni emisaveni?
    • E-e. Yesu a nga xaveleli. A nga pfumali swakudya ni swiambalo
    • E-e. Yesu u dyondzisiwile ku tirha na mapulangi. A ri na ntirho.
    • E-e. Yesu u havile yindlu (Luka 9:58) hikuva a teka rendzo hi masiku ku dyondzisa Evangeli.
    • E-e. Yesu u velekiwile exidyelweni hikuva a va nga ri na byetlelo endlwini ya vaendzi, a hi hikuva a va nga ri na mali.
    • E-e. Yesu na vadyondzisiwa va yena va rwala xikwama xa mali ku pfuna swisiwana (Yohane 13:29).
  • Yesu u tiendle xisiwana njhani?
    • U endliwile nyama. (Yohane 1:14, “Rito ri endliwile nyama…”)
    • U tswariwile hi wansati. (Vagalatiya 4:4, “Xikwembu xi rhumile N’wana wa xona, la tswariweke hi wansati.”)
    • U endliwile la nge hansinyana ka tintsumi. (Vaheveru 2:7, “U n’wi endlile la nge hansinyana ka tintsumi…”)
    • U file exihamban’weni (Vakolosa 1:20, “…la endleke ku rhula hi ngati ya xihambano xa yena.”)
  • Xifaniso: Vaefesa 4:8-10 (yi huma Ps. 68:18)
    • Xikombiso: Hosi Zamazama wa rhelela enyimpini e ka Mbhokota. Wa va hlula. Kasi a teka xuma, a tlhandluka e ka Zamazama. Wa tlangela. Kambe a nga koti ku tlangela ku kondza a rhelela ku hlula Mbhokota.
    • Hi ndlela yo fana, Yesu a “xikela” emisaveni (v. 9) tani hi n’wana, u hlurile xidyoho exihamban’weni, a “tlhandlukile ehenhla ka matilo hinkwawo” (v. 10) na swona a nyika tinyiko eka vana va yena, ku fana na ku ponisiwa ni Moya lowu Kwetsima.
  • Ku Vekela Ntiyiso Evutomini
    • Vusiwana bya Yesu byi fanele ku hi khorwisa ku titsonghahata. Kereke yi fanele ku titsongahata hikuva hi tirela Muponisi wa titsongahata.
    • Vafilipiya 2:8 – “Loko a kumiwe a fana ni munhu, a titsongahata, a va a tiendla la yingisaka ku yisa eku feni, ni le ku feni ka xihambano.”

Vakriste va fuwile

  • Swi vula leswaku Vakriste hinkwavo va fuwile emisaveni?
    • E-e. Rifuwo ni vusiwana eka v. 8 swi le moyeni.
    • E-e. Vakriste eka Makedonia va le vusiwaneni (2Vakor. 8:2).
    • E-e. Ku ta va na swisiwana hi masiku (Yohane 12:8).
    • E-e. Yehovha wa tsongahata, kambe wa tlakusa (2Sam. 2:7).
    • E-e. Xikwembu, a hi Sathana, u susa rifuwo (Yobo 1:21).
    • E-e. Vafuwi va tikela ku ponisiwa (Mateo 19:23-24).
    • E-e. Lazaro, xisiwana, u yile etilweni; mufuwi u yile etiheleni (Luka 16:19-31).
    • E-e. Vakriste hinkwavo va xaniseka, ku katsa vusiwana (2Timoteo 3:12).
    • E-e. Paulo a ri “xisiwana” kasi u fuwisa lavo tala (2Vakor 6:10)
    • E-e. Xikwembu xi rhandza ku vitana swisiwana (1Vakor. 1:26).
  • Vakriste va fuwile njhani?
    • Hi fuwile hi minkateko ya ximoya leyi humaka Kriste.
      • Ku rivalela swidyoho
      • Mbilu leyintswha
      • Ku tswariwa ra vumbirhi
      • Vutomi lebyi na heriki
    • Hi ndlela leyi, Paulo a ri mufundisi wa rifuwo—rifuwo ra ximoya!
    • Vaefesa 3:8 – “Mina yeloyi, ndzi nga lontsongo eka vakwetsimi hinkwavo; ndzi nyikiwile tintswalo leti ta ku tivisa vamakito ku fuwa loku nga ringanisiwiki eka Kriste.”
  • Ku Vekela Ntiyiso Evutomini
    • A wu koti ku amukela rifuwo ra ximoya leri ku kondza u rangile ku tivona tani hi xisiwan eximoyeni.
    • Mateo 5:3 – “Ku katekile swisiwana emoyeni, hikuva ku fuma ka matilo I ka swona.”
    • Vakriste i vanhu lava titsongahataka, amukela swidyoho swa vona, ni ku tshemba eka Yesu Kriste ntsena.

Xo Hetisela

  • Swivutiso:
    • Xana u randza ku dzunisa rifuwo ni vunene bya Kriste? Ri ku hlamarisa na?
    • U tshama u titsongahataka, amukela xidyoho, ni pfumela ka Kriste?
    • U landzela Yesu ku fuwa emisaveni? Xanu u kongela mali ntsena? U navela Yesu ku tlula hinkwaswo emisaveni?
  • Loko hi khorwiseke hi Yesu, a hi fanelangi ku fosetela vanhu ku nyika. Paulo a ku eka v. 8, “A ndzi vurisi sweswo hi nawu…” Vakriste va matimba va nyika, a hi hikuva va lerisiwa, hikuva xifaniso xa Yesu Krite.
  • Xikongomelo: Yesu a ri karhi a fuwile, a tiendlele xisiwana leswaku vadyohi va nga kuma rifuwo.